ភ្នំពេញ៖ សម្រាប់ឆ្នាំ២០២២នេះ គឺការប្រកួតបវរកញ្ញាកម្ពុជាច្រើនកម្មវិធីណាស់កំពុងទទួលបានការគាំទ្រនិងលើកស្ទួងពីខ្មែរយើង ជាមួយគ្នានោះ បណ្តាស្រីស្អាត តារាម៉ូឌែល ឬ បេក្ខភាពបវរកញ្ញា កំពុងបង្ហាញសមត្ថភាព ចំណេះដឹង និង រូបសម្រស់។
មកក្រឡេកមើលស្រីស្អាតម្នាក់នេះវិញគឺ មកលើកនេះកាន់តែកាចតែម្តង ហើយមហាជនប្រយ័ត្នយល់ច្រឡំថាជា បវរកញ្ញា ឬ ជាបេក្ខភាពត្រៀមចូលរួមប្រឡងកម្មវិធីបវរកញ្ញាមួយណាទៅ គឺមិនមែនទេបើ មើលយូរៗទៅ ទើបបានដឹងថាជានរណា! គឺជា CEO ក្រុមហ៊ុនគ្រឿងដ៏ធំជាងគេមួយនៅកម្ពុជា HK7 អគ្គនាយិកា HK7 អ្នកនាង អ៊ឹម សុគន្ធា ។
ការបង្ហាញខ្លួនលើកនេះ ពិតជាធ្វើឱ្យមហាជននិងអ្នកគាំទ្រនាំគ្នាយល់ច្រឡំមែន ស្មានតែថា ស្រីស្អាតបវរកញ្ញាខាងណា ដើរកាច់រាង ជះសម្រស់ដ៏ស្រទន់មានមន្តស្នេហ៍។
ទោះបីជាមិនមែនជាបេក្ខភាពបវរកញ្ញា ឬ ជាម្ចាស់មគុដបវរកញ្ញាណាមួយក៏ពិតមែនតែបើនិយាយពីរូបសម្រស់និងសមត្ថភាពទាំងចំណេះដឹងនិងការរកស៊ីវិញគឺ ជាស្រីស្អាតលំដាប់នាំមុខគេមួយរូបក្នុងចំណោម ស្រ្តីឆ្នើមៗនៅកម្ពុជាយើង។
សូមទស្សនាវិឌីអូ៖
សូមរំលឹកផងដែរថា អ្នកនាង អ៊ឹម សុគន្ធា និងស្វាមី តែងតែចូលរួមសកម្មភាពសប្បុរធម៌ជាច្រើនលើកនេះ ក្នុងការជួយដល់ប្រជាពលរដ្ឋខ្វះខាត ហើយជាពិសេសកន្លងមកក៏ចុះជួយដល់មន្ទីរពេទ្យគន្ធបុប្ផា និង អង្គការកុមារកំព្រាទីទាល់ក្រនានា ផងដែរ ដើម្បីឱ្យឆ្លងវិបត្តិកូវិដ១៩។
សូម្បីតែតាៗពូអ្នកធាក់ស៊ីក្លូ លោក គង់ រ៉ាយុទ្ធ និង អ្នកនាង អ៊ឹម សុគន្ធា ក៏គូស្នេហ៍រូបនេះគិតគូផងដែរ ដោយឧស្សាហ៍ចុះចែកអំណោយដល់ផ្ទាល់ គិតគូដល់មនុស្សចាស់ ហើយអ្នកទាំំងពីរតែងតែយកថ្ងៃពិសេសក្នុងជីវិតរបស់អ្នកទាំងពីរ ធ្វើបុណ្យផងដែរ។
សូមរំលឹកទៀតផងដែរថា កាលពីថ្ងៃទី១៤ ខែតុលា ឆ្នាំ ២០២១ ក្រោមសម្លេងសាទរទៅកាន់ អតីតតារាសម្ដែង ដ៏មានប្រជាប្រិយភាពលោក គង់ រ៉ាយុទ្ធ និង ភរិយាគឺ អ្នកនាង អ៊ឹម សុគន្ធា បានប្រារព្ធពិធីឡើងគេហដ្ឋានថ្មី ដែលជាផ្ទះវីឡាធំស្កឹមស្កៃតម្លៃជាង ១ លានដុល្លារ ស្ថិតនៅបុរីប៉េងហួត បឹងស្នោ ដែលធ្វើឱ្យបណ្តាអ្នកសិល្បៈ និងអ្នកជំនួញអនឡាញជាច្រើនចាប់អារម្មណ៍សាទរ រួមទាំងមហាជនជាច្រើនផ្សេងទៀតក៏បានសរសើរថា ពិតជាអស្ចារ្យនិងគួរភ្ញាក់ផ្អើលនូវការបង្ហាញផ្ទះវីឡាធំស្កឹមស្កៃ របស់ប្ដីប្រពន្ធអតីតតារាសិល្បៈមួយគូ នេះដែរបានធ្វើឱ្យទស្សនិកជនជាច្រើន គិតថាមិនមែនជារឿងធម្មតារបស់មហាជនទូទៅនោះទេ។ ប៉ុន្តែសម្រាប់ លោក គង់ រ៉ាយុទ្ធ និង ភរិយា អ្នកនាង អ៊ឹម សុគន្ធា ដែលជាអ្នកជំនួញជោគជ័យ លើមុខរបបជាច្រើន រហូតមួយរយៈចុងក្រោយផ្ទុះការគាំទ្រខ្លាំងលើក្រុមហ៊ុនគ្រឿងសម្អាង HK7 ៕
អត្ថបទដោយ Mr. Renno រូបភាពសហការី
Discussion about this post