ហ្វាហ្វា ពិតជាស្រស់ស្អាតខ្លាំងក្នុងឈុតកូនក្រមុំដែលមានតម្លៃថ្លៃលំដាប់អភិកជន

ភ្នំពេញ៖ តារាសម្តែងនិងម៉ូឌែលកញ្ញា ហ្វាហ្វា ពិតជាស្រស់ស្អាតខ្លាំងក្នុងឈុតកូនក្រមុំដែលមានតម្លៃថ្លៃលំដាប់អភិកជន កាលពីថ្ងៃទី២២ ខែវិច្ឆិកា ឆ្នាំ២០២១ រហូតធ្វើឱ្យអ្នកគាំទ្រជាពិសេសប្រុសៗ នាំគ្នាលង់ស្រលាញ់។

ពិតជាអស្ចារ្យមែនមែនតារាសម្តែងល្បីកញ្ញា ហ្វាហ្វា បានបង្ហាញខ្លួនក្នុងឈុតកូនក្រមុំដែលពិតជាស្អាតខ្លាំងណាស់ ធ្វើឱ្យមហាជននាំគ្នាសរសើរទៅលើរូបនាង។ តាមដឹងថា ហ្វាហ្វា បានបង្ហាញខ្លួនក្នុងឈុតកូនក្រមុំនោះ ជាឈុតដែលមានតម្លៃថ្លៃសម្បើរណាស់ ហើយឈុតកូនក្រមុំដែលនាងពាក់នោះ សម្រាប់មនុស្សលំដាប់ថ្នាក់អភិកជន សេដ្ឋី កំពូលមនុស្សល្បីៗ ឬ ខ្សែស្តេច ខ្សែរដ្ឋមន្ត្រី ទើបមានសមត្ថភាពពាក់ឈុតកូនក្រមុំបែបនោះបាន។

មូលហេតុដែលតារាស្រីស្អាតរូបនេះ អាចពាក់ឈុតកូនក្រមុំនោះបានព្រោះ ហ្វាហ្វា ជាតារាស្រីតំណាងឱ្យហាងកាត់ដេរ ចៅឃុន នៅក្នុងថ្ងៃសម្ពោធបើកហាងជាផ្លូវការ ហើយក៏មានតារាស្រីពីរនាក់ទៀតផងដែរគឺ ព្រះកាយច័ន្ទ និង អែម គុនថង ក៏បានពាក់ឈុតកូនក្រមុំដូចគ្នាក្នុងពិធីនោះ។

សូមទស្សនារូបថតរបស់តារាសម្តែង ហ្វាហ្វា៖

សូមបញ្ជាក់ថា តារាប្រុសស្រីបី កញ្ញា ព្រះកាយ ច័ន្ទ , កញ្ញា ហ្វាហ្វា និងកញ្ញា អែម គុនថង បានបង្ហាញខ្លួនជាតារាតំណាងឱ្យ ពិធីសម្ពោធដាក់ផ្លូវការរបស់ហាងកាត់ដេរ សម្លៀកបំពាក់ បុរស លំដាប់ជួរមុខ និងល្បីឈ្មោះលំដាប់ផ្កាយ៥ នៅព្រះរាជាណាចក្រថៃគឺ ហាង Chao Khun (ចៅឃុន) ដែលត្រូវបានធ្វើឡើងនៅទីតាំងហាងផ្ទាល់នាផ្ទះលេខ៣៤ ផ្លូវលេខ៣១០ សង្កាត់បឹងកេងកង១ ខណ្ឌចម្ការមន រាជធានីភ្នំពេញ។
សូមបញ្ជាក់ថា ហាងចៅឃុន បានដាក់សម្ពោធជាផ្លូវការ ក្រោមវត្តមាន ឯកអគ្គរាជទូតថៃប្រចាំកម្ពុជា ឯកឧត្តម Panyarak Poolthup និង Dr. សុប៉ាឆៃ វិរៈភូជុង្គ នាយកប្រតិបត្តិ ក្រុមហ៊ុនថៃណាខន ផាន់ថាណា និងបណ្តាអភិកជនាច្រើននាក់ទៀត មកអបអរស្វាគមន៍ហាងកាត់ដេរលំដាប់លេខ១នៅកម្ពុជា។

សូមរំលឹកទៀតថា ចៅឃុន គឺហាងកាត់ដេរសម្លៀកបំពាក់ដ៏ល្បីល្បាញដែលមានប្រវត្តិរាប់សិបឆ្នាំមកហើយនៅព្រះរាជាណាចក្រថៃ ហើយអតិថិជនជាច្រើននៅប្រទេសថៃមានការនិយមចូលចិត្តរាប់ទាំងនាយករដ្ឋមន្ត្រី រដ្ឋមន្ត្រី តារាភាពយន្តល្បីឈ្មោះសុទ្ធតែធ្លាប់ស្គាល់ និងពេញចិត្តនូវស្នាដៃរចនាម៉ូតរបស់ហាងចៅឃុនពិសេសលើការរចនាម៉ូតសម្លៀកបំពាក់អាវធំរបស់បុរសដែលប្រើក្នុងពិធីអាពាហ៍ពិពាហ៍ដែលសម្លៀកបំពាក់ចេញពីហាងចៅឃុនផ្ទាល់មានអត្តសញ្ញាណមួយផ្ទាល់ខ្លួននិងមានគុណភាពខ្ពស់។

ចៅឃុន មានសេវាកម្មកាត់ឈុតអាវធំ មានសេវាកម្មកាត់ឈុតរៀបការកូនកំលោះ កូនក្រមុំ មានសេវាកម្មឈុតរៀបការដែលបានកាត់ដេររួចរាល់ដែលនាំចូលមកពីប្រទេសថៃ (Ready to wear) មានសេវាកម្មជួលឈុតរៀបការកូនកំលោះ Tuxedo និងឈុតរៀបការកូនក្រមុំ ដោយគុណភាពស្តង់ដានិងសេវាដ៏កក់ក្តៅ អាចទំនាក់ទំនងបានមកាន់លេខទូរស័ព្ទ 085/087-310 313