ដើម្បីតបទៅជាមួយចិនវិញ “តៃវ៉ាន់” បង្កើតការិយាល័យនៅក្នុងរដ្ឋធានីលីទុយអានី

តៃប៉ិ/តៃវ៉ាន់៖ ជាលើកដំបូងដែលតៃប៉ិបានបើកសម្ពោធការិយាល័យតំណាងរបស់ខ្លួនជាផ្លូវការនៅក្នុងរដ្ឋធានីលីទុយអានី វីលនីស ដោយប្រើឈ្មោះថា “តៃវ៉ាន់” នៅថ្ងៃទី 18 ខែវិច្ឆិកានេះ បន្ទាប់ពីតៃប៉ិធ្លាប់ហៅបេសកកម្មបែបនេះថា “ការិយាល័យតំណាងតៃប៉ិ”។

ចំពោះផ្នែកនេះផងដែរ ប្រទេសចិនបានបង្កើនសម្លេងគំរាមកំហែង និងការបំភិតបំភ័យលើ លីទុយអានី បន្ទាប់ពីការសម្ពោធនេះ ដោយចាត់ទុកថាវាជាការរំលោភបំពានផ្នែកការទូតដ៏សំខាន់ និងជាការរំលោភបំពានលើគោលការណ៍ “ចិនតែមួយ”។

អ្នកនាំពាក្យក្រសួងការបរទេសចិន លោក Zhao Lijian បានសង្កត់ធ្ងន់ថា ការប៉ុនប៉ងរបស់ វីលនីស ក្នុងការច្រានចោលសេចក្តីថ្លែងការណ៍ស្តីពីការបង្កើតទំនាក់ទំនងការទូតជាមួយទីក្រុងប៉េកាំង នឹងធ្វើឱ្យប៉ះពាល់ដល់អធិបតេយ្យភាព និងបូរណភាពទឹកដីរបស់ប្រទេសចិន និងការជ្រៀតជ្រែកចូលកិច្ចការផ្ទៃក្នុងរបស់ខ្លួន។

ចំណែករដ្ឋមន្ត្រីការបរទេសលីទុយអានី លោក Gabrielius Landsbergis បាននិយាយថា ប្រទេសរបស់លោកពេញចិត្តចំពោះការគាំទ្ររបស់សហភាពអឺរ៉ុបក្នុងជម្លោះរបស់ខ្លួនជាមួយប្រទេសចិនបន្ទាប់ពីសហរដ្ឋអាមេរិកបានយល់ព្រមផ្តល់ជំនួយហិរញ្ញវត្ថុដល់ប្រទេសខ្លួនក្នុងទម្រង់ជាកិច្ចព្រមព្រៀងឥណទាននាំចេញដែលមានតម្លៃ 600លានដុល្លារ ដើម្បីជួយកាត់បន្ថយការខាតបង់ផ្នែកហិរញ្ញវត្ថុណាមួយដែលបណ្តាលមកពីជម្លោះនេះ។

លោកបានកត់សម្គាល់ថាការពង្រឹងកិច្ចសហប្រតិបត្តិការជាមួយតៃវ៉ាន់នឹងជួយលើវិស័យជាច្រើនដូចជា វត្ថុពាក់កណ្តាលចំលង បច្ចេកវិទ្យាឡាស៊ែរ និងបច្ចេកវិទ្យាហិរញ្ញវត្ថុ។នៅក្នុងសេចក្តីប្រកាសព័ត៌មាន រដ្ឋមន្ត្រីកិច្ចការសេដ្ឋកិច្ចរបស់តៃវ៉ាន់ លោក Wang Mei-hua បាននិយា

លោកក៏បានបញ្ជាក់ទៀតផងដែរថា រដ្ឋាភិបាលសហរដ្ឋអាមេរិក និងសហភាពអឺរ៉ុបទាំងពីរសុទ្ធតែគាំទ្រការសម្រេចចិត្តរបស់លីទុយអានី។ជាមួយគ្នានេះ ក្នុងអំឡុងពេលនៃការចេញផ្សាយ អ្នកនាំពាក្យក្រសួងការបរទេសរបស់តៃវ៉ាន់ លោកស្រី Joanne Ou បានរំលឹកឡើងវិញថា “នេះគឺជាទំព័រថ្មីមួយនៅក្នុងទំនាក់ទំនងរបស់តៃវ៉ាន់ និងលីទុយអានី”។

“និយាយអំពីកិច្ចសហប្រតិបត្តិការទ្វេភាគីនាពេលខាងមុខ យើងមានគោលបំណងក្នុងការដោះដូរទៅ លើ ឧបករណ៍ចំលងចរន្ត បច្ចេកវិទ្យាឡាស៊ែរ និងបច្ចេកវិទ្យាហិរញ្ញវត្ថុ។ តៃវ៉ាន់ និងលីទុយអានី មានសក្តានុពលខ្លាំងក្នុងកិច្ចសហប្រតិបត្តិការក្នុងវិស័យទាំងនេះ។” លោកស្រីបានបន្ថែម។

អាស្រ័យហេតុនេះ Chuo Chung-hung នាយកវិទ្យាស្ថានបញ្ចប់ការសិក្សាអឺរ៉ុបនៃសាកល វិទ្យាល័យ Tamkang បាននិយាយថា ការបើកការិយាល័យតំណាងដែលមានឈ្មោះថា ‘តៃវ៉ាន់’ គឺជាជំហានដំបូងថ្មីមួយ ដោយសង្កត់ធ្ងន់ថា ប្រទេសលីទុយអានីបានជួយតៃវ៉ាន់យ៉ាងខ្លាំងក្នុងកិច្ច ខិតខំប្រឹងប្រែងរបស់ខ្លួនក្នុងវិស័យការទូត។

នាយកបានអះអាងថា ប្រទេសចិនគ្មានអំណាចច្រើនក្នុងការដាក់ទណ្ឌកម្មលើប្រទេសលីទុយអានីទេ ដោយសារប្រទេសរុស្ស៊ីមានចំណែកជាដៃគូពាណិជ្ជកម្មដ៏ធំបំផុតនៅក្នុងប្រទេសលីទុយអានី តាមពី ក្រោយដោយបណ្តាប្រទេសអឺរ៉ុប។
“យើងអាចមើលឃើញថា អ្នកនាំពាក្យក្រសួងការបរទេសរបស់ប្រទេសចិនតែងតែគំរាមកំហែងដោយ ផ្ទាល់មាត់ដល់ប្រទេសផ្សេងទៀត ដូចជា “ពួកគេនឹងទទួលរងផលវិបាកទាំងអស់”។ ប៉ុន្តែដូចដែល យើងឃើញឥឡូវនេះ ចិនបានហៅឯកអគ្គរដ្ឋទូតរបស់ខ្លួនមកវិញ និងទម្លាក់ចំណាត់ថ្នាក់ស្ថានទូតទៅ ជាភារធារី។ អស់ហើយ។”

ដោយសំដៅទៅលើប្រទេសសំខាន់ៗជាយុទ្ធសាស្ត្រនាពេលនេះ លោក Chung-hung បានចង្អុលបង្ហាញថា ពិភពលោកទាំងមូល រួមទាំងអឺរ៉ុប និងសហរដ្ឋអាមេរិក កំពុងផ្តល់ សារៈសំខាន់យ៉ាងខ្លាំងដល់គោលនយោបាយអាស៊ីប៉ាស៊ីហ្វិក និងឥណ្ឌូប៉ាស៊ីហ្វិក ខណៈដែល សារៈសំខាន់របស់កូរ៉េខាងជើងបានធ្លាក់ចុះ។

ដូចគ្នានេះដែរ ចំណុចសំខាន់ពីរដែលជាលទ្ធភាពនៃជម្លោះធំបំផុតនោះគឺសមុទ្រចិនខាងត្បូង និងច្រកសមុទ្រតៃវ៉ាន់ នេះបើយោងតាមសម្តីរបស់គាត់។
“នៅក្នុងទស្សនវិស័យយោធា កន្លែងទាំងពីរនេះមានភាពពិបាកសម្រាប់សហភាពអឺរ៉ុបក្នុងការពង្រីក អំណាចរបស់ពួកគេ។ ពួកគេភាគច្រើនប្រើពាណិជ្ជកម្ម និងសេដ្ឋកិច្ច ឬយ៉ាងហោចណាស់វិធីសាស្រ្ត ការទូត។ ឥឡូវនេះ ប្រទេសលីទុយអានីបានក្លាយទៅជាចំណុចក្តៅសម្រាប់វិធីសាស្រ្តការទូតនៅក្នុង តំបន់នេះ»។