ការបំពុលទឹកធ្វើឱ្យអ្នកភូមិខេត្តសៀមរាបកាន់តែមានការលំបាកក្នុងការរស់នៅ

យ៉ាងហោចណាស់ប្រជាពលរដ្ឋ១០០គ្រួសារនៅភូមិលិចទឹក ភូមិពាមតាអ៊ួរ ឃុំកែវពណ៌ ស្រុកពួក ក្នុងខេត្តសៀមរាបនៃប្រទេសកម្ពុជាបានចាប់ផ្តើមព្រួយបារម្ភពីកង្វះទឹកស្អាត។ ទោះបីទឹកនៅក្នុងភូមិមានពាសពេញច្រើនក៏ដោយ ក៏អ្នកស្រុកត្អូញត្អែរថាវាបំពុលដោយកាកសំណល់ផ្លាស្ទិក។

សម្រាប់អ្នកភូមិ ការទិញទឹកគឺជាការចាំបាច់ណាស់ និងកាន់តែពិបាកនោះគឺការរកប្រាក់ចំណូលសម្រាប់គ្រួសារ។ គ្រួសារដែលលំបាកត្រូវបង្ខំចិត្តយកទឹកពីជុំវិញលំនៅដ្ឋាន រួចយកមកដាំទឹកឱ្យពុះ ដើម្បីផ្គត់ផ្គង់តម្រូវការប្រចាំថ្ងៃ ព្រោះពួកគេមិនមានចំណូលដើម្បីទិញទឹកស្អាតមកញុំា។