ពិតជាមិនធម្មតាមែនសុខៗស្រាប់តែអ្នកឧកញ៉ាវ័យក្មេង ឡេង ណាវ៉ាត្រា ឧបត្ថម្ភថវិកាចំនួន ២លានដុល្លារ ជូនកាកបាទក្រហមកម្ពុជា

ភ្នំពេញ៖ ពិតជាមិនធម្មតាមែនសុខៗស្រាប់តែអ្នកឧកញ៉ាវ័យក្មេងគឺលោក ឡេង ណាវ៉ាត្រា និងលោកជំទាវ ឈឺន ស្រីម៉ាច បានសម្រេចចិត្តឧបត្ថម្ភថវិកាចំនួន ២លានដុល្លារ ជូនកាកបាទក្រហមកម្ពុជា ដើម្បីអបអរទិវា ៨ ឧសភា ២០២២ ដែលនេះជាសកម្មភាពសប្បរសធម៌ថ្មីទៀតក្នុងឆ្នាំ២០២២ ខណៈមហាជនចាត់ទុកអ្នកឧកញ៉ាវ័យក្មេងរូបនេះ ជាមនុស្សកំពូលពូកែទាំងរកស៊ីនិងមានទឹកចិត្តសប្បុរសធម៌ថ្លាថ្លៃ មិនចាញ់នរណាឡើយ។

សូមបញ្ជាក់ថា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សូមថ្លែងអំណរគុណយ៉ាងជ្រាលជ្រៅបំផុតចំពោះ អ្នកឧកញ៉ា ឡេង ណាវ៉ាត្រា និងលោកជំទាវ ឈឺន ស្រីម៉ាច ដែលបានឧបត្ថម្ភថវិកាចំនួន ២.០០០.០០០ដុល្លារ (ពីរលានដុល្លារអាម៉េរិក) ជូនកាកបាទក្រហមកម្ពុជា ក្នុងឱកាសខួបទី១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២២ ក្រោមប្រធានបទ «ទាំងអស់គ្នារួមជាមួយកាកបាទក្រហមកម្ពុជា ដោះស្រាយបញ្ហាប្រឈមនានា និងបន្តពង្រឹងភាពធន់សហគមន៍»។

សូមជម្រាបថា សម្រាប់សប្បុរសជនគ្រប់មជ្ឈដ្ឋាន ដែលមានសទ្ធាជ្រះថ្លា ចូលរួមបរិច្ចាគថវិកាជូនកាកបាទក្រហមកម្ពុជា ក្នុងឱកាសខួបលើកទី១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២២ ដើម្បីសមាគមជាតិមានធនធាន បន្តផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុត តាមគោលការណ៍គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម សូមអញ្ជើញទៅទីស្នាក់ការកណ្ដាលកាកបាទក្រហមកម្ពុជា ឬសូមវេរចូលគណនីធនាគាររបស់កាកបាទក្រហមកម្ពុជាតាមបណ្តាធនាគារដូចជា៖
ធនាគារពាណិជ្ជកម្មក្រៅប្រទេសនៃកម្ពុជា (FTB) ដែលមានលេខគណនីដូចខាងក្រោម៖

• ប្រាក់រៀល៖ 100004348127
• ប្រាក់ដុល្លារអាម៉េរិក ៖ 300001709996

សប្បុរសជនក៏អាចវេរចូលគណនីធនាគាររបស់កាកបាទក្រហមកម្ពុជា នៅធនាគារវឌ្ឍនៈអាស៊ីចំកាត់ (ABA) ដែលមានឈ្មោះគណនី ៖ PUM CHANTINIE AND MEN NEARY SOPHEAK AND LIM SAY

• គណនីប្រាក់រៀល ៖ 180 255 333
• គណនីប្រាក់ដុល្លារអាម៉េរិក ៖ 180 255 168
  ចំពោះព័ត៌មានលម្អិត សូមទំនាក់ទំនង៖
• លោកជំទាវ ពុំ ចន្ទីនី លេខទូរស័ព្ទ៖ 012 921 105
• លោកជំទាវ មែន នារីសោភ័គ លេខទូរស័ព្ទ៖ 012 810 854
• ឯកឧត្តម ឌួង អេលីត លេខទូរស័ព្ទ៖ 017 248 888

សូមរំលឹកថា អ្នកឧកញ៉ា ឡេង ណាវាតរ៉ា ជាបុគ្គលកជោគជ័យម្នាក់នៅវិស័យដ្លីធ្លី ហើយជាអ្នករកស៊ីដែលតែងតែមិនភ្លេចឡើយចំពោះការងារសប្បុរសធម៌ និងជួយទុក្ខធុរៈដល់ប្រជាពលរដ្ឋក្រីក្រ មិនថាកម្ពុជា ធ្លាប់ជុបទុក្ខរងវិបត្តិកូវិដ១៩រយៈពេល២ឆ្នាំ និងទឹកជំនន់ ឡើយអ្នកឧកញ៉ា ឡេង ណាវ៉ាត្រា មិនដែលមិននឹកភ្នែកឡើងគឺអ្នកឧកញ៉ាតែងតែបរិច្ចាកថវិកាច្រើនសន្ធឹកដើម្បីប្រជាពលរដ្ឋខ្មែរមានភាពល្អប្រសើរឡើងវិញ៕