ថ្ងៃភ្ជុំស្រាប់តែនាយកៃដរបែរជានិយាយថាខ្លួនអស់​សមត្ថភាពហើយធ្វើឱ្យនាង ខ្ញុង យំ​រៀបរាប់​រឿងគ្រួសារអាច​ឈាន​ដល់​ផ្លូវ​បំបែកព្រោះតែ…(មាន​វីដេអូ)

រសៀលថ្ងៃទី២២ ខែកញ្ញា ឆ្នាំ២០២២នេះ នាយកៃដរ បានបង្ហោះសារជាបន្តបន្ទាប់ថា «បង្កើតគ្រួសារមួយបើចែកមិនដាច់ រវាងបងប្អូនទេ គឺមិនអស់ទំនាស់ឡើយ។ ដូចម្តេច ដែលហៅថា រួមសុខរួមទុក្ខជាមួយប្តីប្រពន្ធ? មិនមែនជាមួយបងប្អូនទេ, អ្វីដែលខំធ្វើគ ថ្លង់ និងអធ្យាស្រ័យ គិតថាអាណិត លះបង់កាយចិត្តព្រោះស្រលាញ់ ព្រោះចង់កែប្រែ តែពេលនេះខ្ញុំអស់សមត្ថភាពហើយ, ខំសន្សំពេលវេលា ដើម្បីរៀបប្រពន្ធរស់នៅក្នុងគ្រួសារអោយត្រឹមត្រូវ តែគួរស្តាយ វាសនា បានកំណត់ថា គ្រួសារមួយនេះ មិនអាចរៀបចំកើតទេ ព្រោះខ្ញុំអស់សមត្ថភាពហើយ»។

ឆ្លើយតបទៅនឹងការបង្ហោះសារជាបន្តបន្ទាប់របស់នាយកៃដរ ជាស្វាមីនោះ នៅរសៀលថ្ងៃដដែលអ្នកនាងខ្ញុង បានឡាយវីដេអូ ដោយដាក់ចំណងជើងថា «កុំឆ្លងឆ្លើយតាមការផុសអី ឡាយនិយាយម្មងទៅ»។ នៅក្នុងវីដេអូនោះ ខ្ញុង បាននិយាយទាំងយំខ្សឹកខ្សួលថា មិនពាក់ព័ន្ធទៅនឹងរឿងបងប្អូនអីទេ ហើយរឿងរៀបការ កុំឲ្យនាងហែកឲ្យសោះ នៅមានរឿងច្រើនទៀត ប្រយ័ត្នខ្មាសគេ។

ខ្ញុង បានបន្តទៀតថា បើខ្លួនមិនស្រឡាញ់ មិនខ្វល់ មិនមែនខ្លួនយកប្ដីទៅពេទ្យ អស់លុយកាក់ ហើយសុខចិត្តដេកនៅលើឥដ្ឋ មើលថែប្ដី នោះទេ។ ការបញ្ជាក់របស់អ្នកនាងខ្ញុង បែបនេះ ឆ្លើយតបទៅនឹងនាយ កៃដរ ដែលលើកឡើងថា នាងបន់ឲ្យលោកឆាប់ស្លា..ប់នោះ។

បន្ថែមលើនេះ ខ្ញុង បានបង្ហោះសារជាបន្តបន្ទាប់ថា «ជីវិតមនុស្សម្នាក់ៗគ្រួសារនីមួយៗ មិនដូចគ្នាទេ បើមិនទាន់ធា្លក់លើគ្រួសារអ្នកសូមកុំសើចខ្ញុំ, គ្មានអ្នកណាម្នាក់ចង់បែកបាក់គ្រួសារទេ»៕

ដើម្បីកាន់តែច្បាស់ទៀតនោះ សូមទស្សនាវីដេអូ ខាងក្រោមនេះ ទាំងអស់គ្នា ៖