ករណីពុលនិងថប់ដង្ហើមដោយសារការប្រើប្រាស់ធ្យូងថ្មខុសបច្ចេកទេសនៅប្រទេសម៉ុងហ្គោលី

ប្រជាពលរដ្ឋក្នុងប្រទេសម៉ុងហ្គោលី បាននិយាយថា ការបំភាយឧស្ម័នកាបូនម៉ូណូអុកស៊ីត ដែលជា លទ្ធផលនៃការដុតធ្យូងថ្មឆៅក្នុងកំឡុងពេលប្រើប្រាស់ក្នុងរដូវរងារ ដែលនាំឱ្យមានករណីថប់ដង្ហើម និងពុលដោយសារការមិនអនុលោមតាមស្តង់ដារចំហេះ ខណៈដែលក្នុងរយៈពេលពីរឆ្នាំកន្លងមកនេះ ប្រជាជនបានសម្របតាមវិធីសាស្ត្រ នៃការប្រើប្រាស់។

ប្រជាពលរដ្ឋជឿជាក់ថាឧបករណ៍ចាប់ផ្សែងមាន សារៈសំខាន់ខ្លាំងណាស់ក្នុងការការពារពួកគេពីការស្រូបចូលនូវកាបូនម៉ូណូអុកស៊ីត និងការកើត ឡើងនៃករណីពុលផ្សែង។វេជ្ជបណ្ឌិត M.Tserenchimed ជឿជាក់ថា ករណីទាំងនេះបណ្តាល មកពីការប្រើប្រាស់ធ្យូងថ្ម និងការបញ្ឆេះមិនបានត្រឹមត្រូវ ដោយសារតែការប៉ាន់ស្មានពេលវេលាខុស បន្ទាប់ពីដុតភ្លើង។ ការអំពាវនាវឱ្យប្រើប្រាស់ធ្យូងថ្មឱ្យបានត្រឹមត្រូវ ដើម្បីជៀសវាងការខូចខាត។

B.Burma ជាប្រជាជនម្នាក់៖ “ពួកយើងបានប្រើប្រាស់ដុំធ្យូងអនាម័យជាង២ឆ្នាំហើយ។ ឧបករណ៍ ចាប់សញ្ញាផ្សែងត្រូវបានរុះរើ និងដំឡើងនៅពេលចែកចាយ។ ឧបករណ៍ ចាប់ផ្សែងមានអត្ថប្រយោជន៍គឺវាមានសំឡេងខ្លាំង និងអាច ឱ្យយើងដឹងបាន ទោះជាមានបរិមាណផ្សែងតិច ក៏ដោយ។ ហេតុដូច្នេះទើបពួកយើងពិនិត្យវាជាប្រចាំ និងមើលថាតើវាដំណើរការឬទេ អ្វីដែលសំខាន់បំផុតនោះគឺចាក់ផេះឱ្យបានស្រួលបួលហើយកុំច្របាច់វា គាត់ប្រើប្រាស់ដុំធ្យូងអនាម័យទៅតាមការណែនាំ។ ពួកយើងមិនជួប ការបំពុលដោយកាបូនមូ៉ណូអុកស៊ីតអស់រយៈពេលពីរឆ្នាំហើយ។”

(M.Tserenchimed ជាវេជ្ជបណ្ឌិតម្នាក់)៖“មូលហេតុនៃការបំពុលរបស់កាបូនម៉ូណូអុកស៊ីត គឺបណ្តាលមក ពីការប្រើប្រាស់ និងដុតបញ្ឆេះធ្យូងអនាម័យមិនបានត្រឹមត្រូវ។ ប្រជាជនទំនងជាត្រូវបានប៉ះពាល់នឹងកាបូនម៉ូណូអុកស៊ីតដោយសារតែការប៉ាន់ស្មានពេលវេលាដែលវាត្រូវការដើម្បីបន្ធូសម្ពាធខុស បន្ទាប់ពី ការដុត។ ដូច្នេះចាំបាច់ត្រូវប្រើដុំធ្យូងអនាម័យឱ្យបានត្រឹមត្រូវ។ ”

N.Chimegsaikhan ជាប្រជាជនម្នាក់៖“ខ្ញុំបានប្រើប្រាស់ដុំធ្យូងតាំងពីសប្តាហ៍មុនមក។ មានការណែនាំមួយ ចំនួនសម្រាប់ប្រដាប់ស្រូបផ្សែង។ ពួកយើងធ្វើតាមការណែនាំ និង សម្អាតឡដុតកំដៅរាល់ពេលបន្ទាប់ពីការប្រើប្រាស់រួច។ ពួកយើងក៏មាន រន្ធសម្រាប់ឱ្យខ្យល់ចេញចូលផងដែរ។”